டிசம்பர் 23 விவசாயிகள் தின நல்வாழ்த்துக்களை Rainman Studio - MasRainman வாயிலாக உங்களுக்கு வாழ்த்துக்களை தெரிவிக்கிறோம். அனைவருக்கும் விவசாயிகள் தின நல்வாழ்த்துக்கள்.
வங்கக்கடலில் நிலவிக் கொண்டிருக்கும் தாழ்வு மண்டலம் இலங்கை திருகோணமலை 370 கிலோ மீட்டர் வடகிழக்கு திசை தொலைவிலும் நாகப்பட்டினத்திற்கு கிழக்கு திசயில் 480 கிலோமீட்டர் தொலைவிலும் சென்னைக்கு தென் /தென்கிழக்கு திசையில் 440 கிலோ மீட்டர் தொலைவில் மையம் கொண்டுள்ளது. மேலும் கடந்த 6 முதல் 8 மணி நேரமாக இது எந்த நகர்வும் இல்லாமல் அங்கேயே நிலைகொண்டுள்ளது. மேற்கத்திய கலக்கம் (காற்று) விலக மற்றும் அரபிக்கடலில் நிலவும் உயர் அழுத்தம் கிழக்கு நோக்கி நகர்தல் ஆகியவை இதற்கு காரணம் ஆகும். மேலும் அரபிக்கடலில் நிலவும் உயர் அழுத்தம் கிழக்கு நோக்கி நகர்வதால் இந்த சலனம் அதனுடன் அடங பாதையில் மேற்கு/தென்மேற்கு திசையில் அதன் பயணத்தை மாற்றக்கூடும். அதன் காரணமாக இன்று பிற்பகலுக்கு பிறகு இது இலங்கை கடற்கரையை நோக்கி நகரும் மேலும் இது வரும் நாட்களில் கன்னியாகுமரி கடல் பகுதியை ஒட்டி அரபிக்கடல் வரை செல்லும் என்று எதிர்பார்க்கப்படுகிறது. இதன் காரணமாக நாளை மாலை இரவு முதல் தமிழக கடலோர மாவட்டங்களில் மிதமானது முதல் கனமழை சென்னை முதல் கன்னியாகுமரி வரை பதிவாக தொடங்கும்,
Credtis - Meteologix-Ecmwf |
இலங்கை உட்பட குறிப்பாக டெல்டா மாவட்டங்கள் தென் தமிழகத்தில் மிதமானது முதல் கனமழை வாய்ப்பு சற்று அதிகம் அதிலும் குறிப்பாக இந்த நிகழ்வானது அரபிக்கடல் செல்லும் வரை கிழக்கு முகம் சார்ந்த மலை முகடுகள் அமைந்துள்ள தென் தமிழக பகுதிகள் திண்டுக்கல் மேற்கு தொடர்ச்சி மலை ஒட்டிய பகுதிகள் தேனி கம்பம் பள்ளத்தாக்குப் பகுதிகள் குறிப்பாக மாஞ்சோலை மற்றும் கன்னியாகுமரி மேற்கு தொடர்ச்சி மலைப் பகுதிகளில் கனமழை முதல் மிக கனமழை. டெல்டா மாவட்டங்கள் நாகப்பட்டினம் காரைக்கால் வேதாரண்யம் முத்துப்பேட்டை சிவகங்கை காரைக்குடி தேவகோட்டை திருவாரூர் ராமநாதபுரம் ராமேஸ்வரம் விருதுநகர் தூத்துக்குடி திருநெல்வேலியில் பல்வேறு பகுதிகள் மற்றும் நாகர்கோவில் கன்னியாகுமரி மாவட்டங்களில் 26 முதல் 29/30 வரையிலும் மிதமானது முதல் கனமழை பதிவாக வாய்ப்புகள் அதிகம் இருக்கின்றன.
வட தமிழக கடலோர பகுதிகள் சென்னை திருவள்ளூர் காஞ்சிபுரம் செங்கல்பட்டு இந்தப் பகுதிகளில் ஓரிரு நாட்கள் 25 26 27 ஆகிய தேதிகளில் மிதமான மழையை எதிர்பார்க்கலாம் மேலும் வடகிழக்கு பருவமழை இந்த மாத இறுதி 30-ஆம் தேதி மாத கணக்குகளின் அடிப்படையில் முடிவுக்கு வருகிறது. மேலும் ஜனவரி முதல் வாரம் ஒரு வறண்ட வானிலை நம் தமிழகத்தில் இருக்கும் மற்றும் ஒரு சலனம் பொங்கல் தினத்தை ஒட்டி வங்கக்கடலில் உருவாக வாய்ப்புகள் இருக்கிறது. இது நீண்ட கால நிலை என்பதால் நாம் சற்று அவதானிப்பது அவசியம். இந்த மாத இறுதியில் டெல்டா மற்றும் தென் தமிழகத்தில் கனமழை பதிவாக வாய்ப்பு இருப்பதால் விவசாயிகள் தங்களது விவசாய பணிகளை முன்னேற்பாடுகள் செய்து கொள்வது நல்லது காற்றின் பாதிப்பு இல்லை மழையின் பாதிப்பு மட்டுமே.